Amerikan awtoöndürijisi Ford dokuz aýda Demirgazyk Amerikanyň bazarynda ulaglary yzyna çagyryş boýunça 104 kampaniýa geçirdi. Bu görkeziji bäsdeşleriň arasynda iň ýokarysy boldy.
Deňeşdirmek üçin, FCA konserni bu döwürde 21 gezek ulaglary yzyna gaýtardy, FCA, Volkswagen, GM, Mercedes, Honda we Hyundai öndürijileriniň umumy görkezijisi bolsa 77 kampaniýa boldy.
Iň soňky yzyna çagyryş kampaniýalary birbada alty Ford we Lincoln modellerine täsir etdi:
- ·Ford F-150 (2022-nji ýylda çykan) – 22 müň töweregi pikap ulagyň göwrüm çyralarynyň öçüp-ýanmagy sebäpli serwise iberildi. Bu meseläni çözmek üçin programma üpjünçiligini täzelemeli ýa-da blogy çalyşmaly.
- ·Ford Mustang (2024-nji model ýyly) – bir ulag şowsuz bejergiden soň enjam paneliniň näsazlygy sebäpli yzyna gaýtaryldy. Mesele programma üpjünçiliginiň täzelenmegi bilen düzediler.
- ·Lincoln Nautilus (2024-2025-nji ýyllarda çykan) – ulag aýnalarynyň päsgelçilik bilen çaknyşanda awtomatik ýagdaýda aşak düşmegi bilen bagly näsazlyk şikeslere getirip biler. Dilerler 102 awtomobiliň gapy modullaryna gaýtadan sereder.
- ·Lincoln Corsair (2020-2022-nji ýyllarda çykan) – 41 875 ulagyň yzky görnüş aýnasy suwuň düşmegi sebäpli işlemän biler. Öndüriji kamerany we simleri çalşar.
Kampaniýalaryň bir bölegi täze näsazlyklar bilen baglanyşykly, ýöne köpüsi öňki bejeriş işlerinden soň gaýtadan kemçiligiň ýüze çykmagy sebäpli geçirilýär. Şeýle ýagdaý brende bolan ynamy gowşadyp, serwis çykdajylarynyň ýokarlanmagyna getirýär.
Bilermenleriň pikiriçe, kompaniýa heniz hili ýokarlandyrmak wezipesinden baş çykarmaýar, şol sebäpli dilerler hemişe şeýle näsazlyklaryň netijelerini düzetmeli bolýar. Bu, ilkinji nobatda, pikaplara we krossowerlere islegiň ýokary bolan ýerinde, ABŞ-da satuwa ýaramaz täsir edip biler.
