20-nji awgustda astronomlar soňky ýyllaryň iň uly Gün hadysalarynyň birini hasaba aldy: Günüň günorta polýusyndan uly protuberanes zyňyldy. Onuň uzynlygy, takmynan, 1,5 mln kilometr boldy, bu bolsa Günüň öz diametrinden (takmynan, 1,4 mln km) hem uludyr.
Protuberanes Aşgabat wagty bilen 9:00 töweregi dargap başlady we üç sagatdan soň Günüň üstünden doly aýryldy.
Protuberanesler ululygy we massasy sebäpli kosmos howasyna täsir edip bilýär. Ýöne olaryň traýektoriýasyny, köplenç, öňünden kesgitläp bolmaýar we zyňyndylaryň aglabasy Ýer üçin howp döretmeýär. Deslapky maglumatlara görä, zyňlan plazma biziň planetamyzyň gyrasyndan geçdi.
RYA-nyň Kosmos gözlegleri institutynyň Gün astronomiýasy barlaghanasy 1-nji iýunda plazma zyňyndysynyň Ýere düşendigini we üç gün dowam eden iň ýokary, bäşinji derejä ýakyn magnit tupanyna getirendigini ýatlap geçdi.
Alymlar häzirki hadysanyň gerimini belledi. Olaryň aýtmagyna görä, protuberanes 40 mln kilometrden gowrak aralyga uçdy.
Ilkinji zyňyndydan dört sagatdan soň ýene bir protuberanes goýberildi – ikisi-de Mars tarapa gönükdirildi.
