“Liwerpulyň” wingeri Mohamed Salah Angliýanyň Professional futbolçylaryň assosiasiýasy (PFA) tarapyndan ýylyň iň gowy futbolçysy üçin baýraga mynasyp boldy. Müsürli oýunçy bu baýragy üçünji gezek alýar we bu rekorddyr.
Angliýanyň çempionatynyň geçen möwsüminde Salah 38 oýna gatnaşyp, 29 gol geçirdi we 18 assist etdi. Ol bir wagtyň özünde Premýer-liganyň iň gowy bombardiri we iň gowy assistenti boldy. Ozal PFA 33 ýaşly Salahy möwsümiň simwolik toparyna goşdy.
Salah “Liwerpulda” 2017-nji ýyldan bäri çykyş edýär. Onuň klub bilen häzirki şertnamasy 2027-nji ýylyň tomsuna çenli hereket edýär. Transfermarkt portalynyň maglumatlaryna görä, futbolçynyň bazar bahasy 50 mln ýewro barabar.
