Daşary ýurt onlaýn platformalarynda “Missiýa ýerine ýetirmesiz: Ahyrky hasaplaşyk” (Миссия невыполнима: Финальная расплата) filminiň sanly relizi boldy. Bu Tom Kruzyň gatnaşmagyndaky franşizanyň sekizinji filmidir, onuň premýerasy maý aýynda boldy.
Film 300 mln dollar býujetde 596 mln dollar ýygnady. Sýužetiň merkezinde agent Itan Hantyň emeli aň bilen göreşi durýar. Şeýle-de, filme Heýli Etwell, Wanessa Kirbi, Saýmon Pegg we Wing Reýmz gatnaşdy. Režissýor hökmünde Kristofer MakKuorri çykyş etdi.
Şeýle-de, internetde Pixar bilen Disney studiýasynyň “Elio” atly täze multfilmi peýda boldy.
Onlaýn çykmazdan öň “Tapmaça” (Головоломка) we “Oýnawaçlaryň hekaýasy” (История игрушек) multfilmlerini döredijileriň bu multfilmi iki aý prokatda boldy, ýöne bary-ýogy 147 mln dollar gazandy. Tomaşaçylar oňa dürlüçe syn berdi.
“Elio” baý hyýaly bolan 11 ýaşly oglanjyk barada gürrüň berýär. Ol tötänleýin dürli galaktikalardan jandarlary birleşdirýän Kommuniwýors planetara guramasyna düşüp, Ýeriň ilçisi bolýar. Gahryman dürli synaglaryň üsti bilen, özüniň kimdigine düşünmäge çalyşýar.
