Birleşen Arap Emirliklerinde Dubaýda guruljak “Burj-Azizi” diýlip atlandyrylýan beýik binanyň funksional zolaklaşdyrylyş nusgasy köpçülige ýetirildi. Binanyň beýikligi 725 metre barabar bolar. Bina taslamany durmuşa geçirýän Azizi Developments kompaniýasynyň ady bilen atlandyryldy.
Ülňüde görkezilişine görä, binada dünýäde iň beýikdäki syn ediş meýdançasy ýerleşer. Mundan başga-da, rekord derejedäki beýiklikde klub, spa-merkez we restoran açmak meýilleşdirilýär.
Bellenen beýiklige görä, “Burj-Azizi” dünýäniň iň beýik binalarynyň arasynda 828 metrlik “Burj-Halifadan” soň ikinji orny eýelär. Ýöne, Saud Arabystanynda gurlup ýörlen 1 kilometrlik Jeddah Tower taslamasy tamamlanan halatynda, Dubaýdaky iki belent bina hem dünýä reýtinginde öz orunlaryny ýitirip biler.
