Režissýor Zak Kreggeriň “Ýaraglar” (Орудия) horrory dünýä prokatynda meşhur boldy. Ikinji hepdäniň ahyryna çenli onuň kassa ýygymy 38 mln dollar býujetde 148 mln dollara ýetdi. Bu bolsa önümçilik çykdajylaryndan üç esse ýokarydyr diýip, Variety habar berýär.
ABŞ-daky içerki prokatda film 89 mln dollar, galan ýurtlarda 59,7 mln dollar ýygnady. Analitikleriň maglumatlaryna görä, kassa ýygymlarynyň dinamikasy ortaça pese gaçyşy görkezýär, ýöne filmiň tegelek mukdara ýetmek mümkinçiligi bar.
Amerikan prokatynyň täze filmleriniň arasynda ikinji orny “Birgeňsi anna 2” (Чумовая пятница 2) eýeledi – bu Lindsi Lohan we Jeými Li Kertis bilen meşhur filmiň dowamydyr. Onuň dünýädäki kassa ýygymy 86 mln dollardan geçdi.
Üçünji orunda Bob Odenkerk bilen “Hiç kim 2” (Никто 2) filmi ýerleşdi. Ol 25 mln dollar býujetde 14,1 mln dollar gazandy. Çykdajylar bilen girdejileriň arasyndaky tapawuda garamazdan, filmiň başlangyç görkezijileri birinji bölümiňkiden ýokarydyr.
