“Al-Nasr” saud futbol kluby 2025/2026 möwsümi üçin öý eşigini resmi taýdan hödürledi. Tanyşdyryşa toparyň öňdebaryjy oýunçylary, şol sanda Kriştianu Ronaldu, Sadio Mane we toparyň täze oýunçysy Žoau Feliks gatnaşdy diýip, Footy Headlines habar berýär.
“Hiç haçan synmaýan miras. Täze ýyl – täze görnüş. Ýöne “Al-Nasryň” nyşany bu eşigi müdimi edýär” – diýlip, klubuň metbugat gullugyndaky habarda aýdylýar.
Täze eşik toplumy Adidas kompaniýasy tarapyndan döredildi. Onuň esasy reňki goýy gök elementler bilen ýiti sary bolup, Er-Riýadyň Gününi we klubuň “Rysarlar” lakamyny alamatlandyrýan nagyş bilen utgaşýar. Dizaýn arap çölüniň aňňatlaryna we teksturasyna hem salgylanyp, Saud Arabystanynyň medeniýeti bilen baglanyşykly köp gatly obrazy döredýär.
Eşikde Adidas-yň goýy gök logotipi, gapdal çyzyklar we täze klub tugrasy ýerleşdirildi.
Köýnekçe 18-nji awgustda satuwa çykdy.
“Al-Nasryň” täze eşikde ilkinji resmi oýny 19-njy awgustda Saud Arabystanynyň Superkubogynyň ýarym finalynda “Al-Ittihada” garşy bolar.
