Arheologlar Demirgazyk Karolinadaky Appalaçi döwlet uniwersitetiniň çäginde ýerli amerikalylaryň düşelgesiniň galyndylaryny tapdylar. Tapyndylar b.e. öňki 8000-1000-nji ýyllaryň giçki arhaik we wudlend döwürlerine degişlidir diýip, Archaeology magazine ýazýar.
Antropologiýa kafedrasyndan Elis Raýtyň ýolbaşçylygyndaky arheologlar topary bu ýerdäki işçiler zyňylýan snarýadlaryň daşdan ýasalan uçluklaryny tapanlaryndan soň gazuw-agtaryş işlerine başladylar. Gazuw işleri Flitwudyň golaýyndaky Blekbern Wannoýyň mülkünde we okuw fermasynda geçirildi.
Alymlar işiň dowamynda onlarça naýza nusgalaryny we peýkamlary, keramikanyň böleklerini, ammar çukuryny we ojagy tapdylar. Uçluklaryň köpüsi Pýemont sebitinden gazylyp alnan kwarsdan, kwarsitde we ritolitden ýasalypdyr. Kremniý kwarsynyň käbir bölekleri şol golaýda gural ýasamak üçin materiallaryň gazylyp alnan käniniň bardygyny çaklamaga mümkinçilik berýär.
Elis Raýtyň pikirine görä, çeroki, katoba taýpalarynyň we beýleki taýpalaryň ata-babalary bu ýeri hasylly topragy we tebigy baýlyklary üçin ulanypdyrlar. Düşelge, megerem, möwsümleýin ulanylan bolsa gerek, gyşyna bolsa taýpalar agyr şertlerden gaçmak üçin daglardan aşak düşüpdirler.
