Huawei Pura 80 Ultra DXOMark-yň global kamerofonlarynyň sanawynda öňdäki orny eýeledi we umumy bal boýunça rekord goýdy. DXOMark-yň berýän maglumatlaryna görä, enjam dünýä sanawynda 175 bal gazanyp, ähli kategoriýalarda iň gowy netijeleri görkezdi.
Smartfon Oppo Find X8 Ultra we Vivo X200 Ultra ýaly modellerden öňe geçdi. Ol ýokary hilli portretleri, makro fotosuratlary we pes ýagtylykda düşürilen suratlary görkezmek bilen, surata alşy üçin 180 bal, wideo ýazgylary üçin 166 bal aldy.
DXOMark-yň hünärmenleri açyk reňkli, dury detally we islendik şertlerde tebigy ekspozisiýaly şekilleriniň hiliniň durnuklydygyny, şeýle hem deriniň reňkiniň tekizdigini we fonuň ýumşak reňklidigini bellediler. Giň burçly modul we teleobýektiw ýokary derejeli jikme-jiklikleri üpjün edýärdi, wideo hereket edende-de akgynly we durnuklydy.
Ýeke-täk kemçiligi yşyklandyryşyň kyn şertlerinde reňkiň we ýagtylygyň ujypsyz ýoýulmagydy.
Modeliň esasy aýratynlygy - uzak aralykdan sazlanyp surata düşürilende bäsdeşlerinden öňe geçmäge mümkinçilik berýän ajaýyp zum mümkinçilikleridir. Enjam ses we artefaktlary azaltmak üçin LOFIC tehnologiýaly 1 dýuýmlyk datçik, optiki durnuklaşdyrmaly 50 megapiksel esasy kamera, 40 megapiksel ultra giň burçly modul we optiki stabilizasiýaly iki teleobýektiw (50 megapiksel we 12,5 megapiksel) bilen enjamlaşdyrylandyr.
