Montereýdäki Awtomobil hepdeliginde (Monterey Car Week 2025) Lexus kompaniýasy öňünden yglan etmezden Sport konsept superkaryny hödürledi. Model barada jikme-jik maglumat ýok. Ýöne konseptiň geljekde brendiň diňe bir sport däl, eýsem beýleki modellerinde öz beýanyny tapjak dizaýny görkezýän bolmagy gaty ähtimal.
Konsept klassyk sport kupesi görnüşinde ýerine ýetirildi: pes kuzow, uzyn kapot, giň ganatlar we uly tigirler. Dizaýnda artykmaç elementler ýok – howa ýygnaýjylar hem ykjam bolup, göze ilip durmaýar.
Ulagyň yzynda sazlap bolýan spoýler oturdyldy. Yzky diffuzoryň merkezinde “Formula-1” bolidleriniň stilinde stop-signal ýerleşdirildi. Şeýle-de, brendiň ady bilen ýanýan ýazgy bar.
Lexus tehniki aýratynlyklar bilen paýlaşmady, ýöne gaz çykarýan turbalaryň ýoklugy onuň elektrik boljakdygyny görkezip biler. Kompaniýa awtomobiliň interýerini hem görkezmedi.
Synçylaryň pikiriçe, Lexus Sport ýa-ha LC kupesiniň yzyny dowam etdiriji bolar, ýa-da LFA-nyň täze görnüşi bolup biler.
