Raýan Reýnolds indiki “Ar alyjylar. Kyýamat güni” (Мстители. Судный день) filminde ýene Dedpuly oýnar. Bu barada The Hollywood Reporter neşiriniň çeşmeleri habar berdi.
Neşiriň maglumatlaryna görä, gahryman filmde peýda bolar, ýöne supergahrymanlaryň toparynyň doly agzasy bolmaz. Reýnoldsyň özi gatnaşjakdygyna yşarat etdi: aktýor sosial ulgamlarda Dedpulyň stilinde boýalan “Ar alyjylaryň” logotipini paýlaşdy.
Bu rol barada giňişleýin maglumat entek ýok. “Ar alyjylar: Kyýamat gününiň” premýerasy 2026-njy ýylyň 18-nji dekabryna meýilleşdirilýär.
Filme Marvel kinoäleminden köp sanly belli gahrymanlar gatnaşýar. Olaryň arasynda Magneto (Ien MakKelleniň ýerine ýetirmeginde), Tor (Kris Hemswort), Loki (Tom Hiddlston), Jenap Fantastik (Pedro Paskal) we “Fantastik dörtlügiň” öňki we täze gahrymanlary, professor Iks (Patrik Stýuart), Kapitan Amerika (Entoni Maki), Şuri (Letisiýa Raýt) we “Gök gürrüldedijiler” bar. Esasy zalym Robert Dauni-kiçiniň ýerine ýetirmeginde Doktor Dum bolar, ol ozal Toni Starky oýnapdy.
Filmiň režissýorlary doganlar Jo we Entoni Russodyr. Film Beýik Britaniýada surata düşürilýär.
Soňky gezek Reýnolds Dedpulyň keşbinde geçen ýylky “Dedpul we Rosomaha” filminde peýda boldy.
