Apple ilkinji modeliniň çykarylmagynyň 20 ýyllygyna täze dizaýn taýýarlap başlady. Wccftech portalynyň maglumatyna görä, kompaniýa «alty tarapdan aýna bilen örtülen elektron enjamy» üçin patent arzasyny berdi. Bu resminama ABŞ-nyň Patent we söwda nyşanlary edarasynda tapyldy.
Arzada görkezilişine görä, täze nesil smartfonyň korpusy «wizual we taktil taýdan böleksiz» bolup, bir bitewi aýna listiniň täsirini döredip biler. Ýöne aslynda korpus altyburçluk görnüşinde bolup, biri-birine birikdirilen birnäçe aýna bölekden durmagy ähtimal.
9to5Mac portalynyň maglumatyna görä, aýnada mikrofonlar we dinamikler üçin deşikler göz öňünde tutulýar. Enjamyň ähli taraplarynda şekil görkeziler we ähli taraplary sensorly bolar.
Bilermenleriň belleýşi ýaly, şeýle dizaýn aýnanyň ejiz bolmak mümkinçiligi sebäpli köpçülikleýin önümçilige girizmekde kynçylyk döredip biler. Apple bu täze modeli, 2027-nji ýylda çykarylmagyna garaşylýan 20 ýyllyk ýubileb iPhone-y bilen bilelikde tanyşdyrmagy mümkin.
