Amazon-yň esaslandyryjysy Jeff Bezos tarapyndan döredilen we kosmos gözlegleri bilen meşgullanýan Blue Origin kompaniýasy kosmos uçuşlary üçin töleg hökmünde kriptowalýuta kabul edip başlady. Bu barada kompaniýanyň şeýle tölegleri amal etjek Shift4-den kripto-hyzmatdaşlary habar berdi.
Indi tölegi bitkoin, Ethereum we Solana, şeýle-de USDT we USDC steýblkoinleri arkaly amala aşyryp bolýar. Shift4 hasaplaşyklar üçin Metamask ýaly adaty kripto-gapjyklaryň hem laýyk geljekdigini belleýär.
“Biziň pikirimizçe, kriptowalýutalar we steýblkoinler sarp edijiler üçin, aýratynam, gymmat söwda amala aşyrylanda, tölegiň has giňden ýaýran usulyna öwrüler, çünki şeýle amallar maliýe nukdaýnazaryndan hem sarp edijiler, hem satyjy üçin amatly” – diýip, Shift4-üň kriptowalýuta bölüminiň ýolbaşçysy Aleks Uilson aýtdy.
