Balenciaga brendi öz resmi saýtynda ýygrylan polietilen pakediň görnüşinde erkek torbasyny hödürledi. Marché Packable atly aksessuar Italiýada taýýarlandy we 995 dollara durýar.
Gök reňkli tout torbasy ýyrtylmaga durnukly poliamidden taýýarlandy. Onda moda öýüniň logotipi we Pariždäki dükanlaryň salgylary görkezilen.
Torba özüniň sygymlylygy we berkligi bilen tapawutlanýar diýip, döredijiler belleýär. Ol 10 kg çenli göterip, hatda noutbugy hem sygdyrýar. Ýöne torbanyň kemçiligi-de bar – öndüriji torbany Günüň täsirinden goramagy, suw degen ýagdaýynda bolsa haýal etmän süpürmegi maslahat berýär. Ony ýuwmak hem bolmaýar.
