Hytaý Halk Respublikasynyň Senagat ministrliginiň maglumatlar bazasynda täzelenen Nissan Teana-nyň suratlary peýda boldy. Sohu portalynyň berýän maglumatlaryna görä, bu model täze dizaýny we Mercedes-Maybach stilinde kuzowy iki tonly boýag görnüşini aldy.
Suratlarda has ýaýbaň radiator gözenekli, burçlary üç çyzykly hem-de öňi we yzky garaňky optikaly ulag görünýär. Iki hili bezelen görnüşi bar: tutuş ak we garyşyk – çal kapotly, sütünli, üçekli we aýna jaýly, gara etekli. Arka tarapynda yşyklandyrylan Nissan ýazgyly mono çyra peýda boldy, bamperi has ykjamlaşdy we gaz çykaryjy turbasy indi görünmeýär. Dizaýny elektrikli N7 stilinde ýerine ýetirilen.
Täzelenen Teana-nyň uzynlygy 4920 millimetr, bu häzirki wersiýasyndan 14 millimetr uzyn boldugydyr. Häzirki modeliň ölçegleri 4906 × 1850 × 1447 mm, teker bazasy 2825 mm.
Hytaýda Teana bilelikdäki Nissan-Dongfeng kärhanasy tarapyndan öndürilýär we X- tronic CVT bilen jübütlenen 243 at güýji bolan 2,0 litrlik turbo görnüşli benzinli hereketlendiriji bilen enjamlaşdyrylandyr. Bu hereketlendiriji täzelenen wersiýada hem saklanar. Şeýle hem, resminamalarda 144 at güýji bolan täze hereketlendiriji görkezilýär, ol häzirki 156 at güýji bolan asyl tebigy islegli hereketlendirijisinden pesräkdir.
Bilelikdäki kärhana entek ýakynda boljak täzelenmäni resmi taýdan yglan etmedi. Hytaýda häzirki Teanyň bahasy 179,8-239,8 müň ýuan (takmynan 24,8-32 müň dollar) aralygyndadyr.
