Bitkoiniň hümmeti taryhy iň ýokary derejäni täzeledi. 14-nji awgustda kriptowalýuta 124,1 müň dollara ýetip, 2,86% ösüş görkezdi. Muny Binance kriptobiržasynyň maglumatlary delillendirýär.
Aşgabat wagty bilen 11:40-a çenli ýagdaýa görä, bitkoin 121,8 müň dollara durýardy.
Ösüşiň netijesinde bitkoiniň kapitalizasiýasy 2,4 trln dollara ýetdi we dünýädäki iň uly aktiwleriň bäşligine girdi. Bu görkeziji boýunça kriptowalýuta az wagtlyk Alphabet-den (Google) öňe geçdi.
Kriptowalýutalaryň umumy bazar bahasy 4,23 trln dollara ýetdi. CoinGecko-nyň maglumatlaryna görä, soňky bir günde görkeziji 2,9% ýokarlandy.
Esasy kriptowalýuta geçen ýylyň köp böleginde durnukly ösdi diýip, Bloomberg belleýär. Agentligiň pikiriçe, soňky aýlarda ösüşe Donald Trampyň prezidentliginde ABŞ-da oňyn düzgünleşdiriji syýasat we Maýkl Seýloryň Strategy ýaly jemgyýetçilik kompaniýalary tarapyndan islegiň bolmagy ýardam edýär.
