Madridiň “Realy” Ispaniýanyň çempionatynyň 17-nji tapgyrynyň “Wilýarreal” bilen “Barselonanyň” arasyndaky oýnunyň Ispaniýanyň çäginden daşary geçirilmegine garşy çykdy.
Ozal La Liganyň bu duşuşygy dekabrda Maýamidäki “Hard Rok” stadionynda geçirmek barada gepleşikleri alyp barýandygy, Ispaniýanyň Patyşalyk futbol federasiýasynyň bolsa bu pikiri makullap, UEFA ýüz tutandygy habar berlipdi.
Madrid topary resmi beýanda La Liganyň oýunlarynyň ýurduň çäginden daşary geçirilmegine “doly nägileligini” bildirdi. Resminamada bu başlangyjyň ýaryşa gatnaşýan klublary habardar etmezden we geňeşmezden teklip edilendigi bellenilýär. “Realyň” pikiriçe, bu iki aýlawdan (öýde we myhmançylykda bir oýun) ybarat bolan ýaryşlaryň geçirilmegini düzgünleşdirýän çäk ikitaraplaýynlygynyň ýörelgesini bozup, bäsdeşlik deňagramlygyny üýtgedýär we şeýle arzany beren klublara esassyz sport artykmaçlygyny berýär.
Klub ýaryşa ähli gatnaşyjylaryň deslapky razylygy bolmazdan oýny geçirmäge rugsat bermezlik haýyşy bilen FIFA-a ýüz tutdy. UEFA-dan klub federasiýany aýratyn ýagdaýlar bolmazdan La Liganyň oýunlarynyň ýurduň çäginde geçirilmegini gadagan edip, arzany yzyna gaýtarmaga ýa-da ony ret etmäge çagyrmagy talap etdi. Şeýle-de, “Real” klublaryň biragyzdan razylygy bolmazdan oýna rugsat bermezlik haýyşy bilen Ispaniýanyň Ýokary sport geňeşine-de ýüz tutdy.
