Universal we DreamWorks Animation kompaniýalary “Şrek 5” multfilminiň premýerasynyň nobatdaky gezek yza süýşürilendigini habar berdi. 2026-njy ýylyň 23-nji dekabrynyň deregine reliz 2027-nji ýylyň 30-njy iýunynda bolar. Ilkibaşda multfilmiň çykmagy 2026-njy ýylyň iýulyna meýilleşdirilipdi diýip, Variety ýazýar.
“Şrek” 2001-nji ýyldan 2010-njy ýyl aralygynda çykdy we dünýä prokatynda jemi 3 mlrd dollar ýygnady. Ýöne soňky bölümi – “Şrek ömürlik” tankytçylardan dürli synlary aldy. Muňa garamazdan, döredijiler ony dowam etdirmek kararyna geldi we bäşinji bölümiň üstünde işläp başlady.
Täze film eýýäm uly ýaşly çagalaryň kakasy bolan akyly goýalyşan ogr Şrek barada gürrüň berer. Baş gahrymanlara – Şrege, Fiona we Eşege ses bermäge Maýk Maýers, Kemeron Dias we Eddi Mýorfi gaýdyp geler. Şeýle-de, taslama baş gahrymanlaryň gyzyna ses bermek üçin Zendeýa gatnaşar.
