Birleşen Arap Emirliklerinde 2024/25 möwsüminiň iň gowy futbolçylaryny sylaglamak dabarasy geçirildi. Çärede «Şabab Al-Ahli» klubunyň hüjümçisi Serdar Azmun liganyň iň gymmatly oýunçysy hökmünde «Altyn top» baýragyna mynasyp boldy. Bu barada Pro-liganyň sosial ulgamlarynda habar berildi.
Asly türkmen bolan eýranly hüjümçi «Şabab Al-Ahli» klubuna BAE çempionlygyny gazanmaga kömek etdi.
Geçen möwsümde Azmun çempionatda 21 oýunda çykyş edip, 11 gol geçirip, 6 gol pasyny berdi. Futbolçy ähli ýaryşlarda klub üçin jemi 39 oýunda meýdana çykyp, 26 gol geçirip, 10 gol pasy bilen tapawutlandy.
Hüjümçi Eýranyň milli ýygyndysynda çykyş edýär we milli toparyň öňdebaryjy oýunçylarynyň biri hasaplanýar.
