“Odisseýa” filminiň art-direktory Samanta Englender filmiň surata düşürilip tamamlanandygyny habar berdi. Kristofer Nolanyň täze epiki filminiň önümçiligi 2025-nji ýylyň fewral aýynda başlady, režissýor bu işi alty aýda tamamlady diýip, World of Reel ýazýar.
Surata düşüriji topar Italiýada, Gresiýada, Şotlandiýada, Marokkoda we Islandiýada işledi.
“Odisseýa” doly derejede IMAX kamerasynda düşürilen ilkinji film bolar. KHBS-iň maglumatlaryna göä, 17-nji iýulda käbir daşary ýurt kinoteatrlarynda petekleriň deslapky satuwy başlandy. Ilkinji gün ähli petekler diýen ýaly satyldy, bu hem taslama çykmazyndan bir ýyl öň 1,5 mln dollar getirdi. Filmiň premýerasy 2026-njy ýylyň 17-nji iýulyna meýilleşdirilýär.
Sýužet gadymy grek şahyry Gomeriň adybir eposyna esaslanýar we Itakanyň patyşasy Odisseýiň wakasyny gürrüň berer. Onuň keşbini Mett Deýmon ýerine ýetirdi. Aktýorlar düzümine Tom Holland, Zendeýa, Robert Pattinson, Enn Heteueý, Lupita Niongo, Şarliz Teron we Jon Berntal girdi.
