Dünýäde planşet üpjünçiligi 2025-nji ýylyň ikinji çärýeginde 38,3 mln birlige ýetdi, bu bolsa 2024-nji ýylyň degişli döwri bilen deňeşdirilende 13,1% ýokarydyr. Bu barada International Data Corporation (IDC) kompaniýasy habar berdi.
Ösüş yzygider ikinji çärýek hasaba alynýar we muňa pandemiýa döwründe satyn alnan gurluşlaryň täzelenmegi, şeýle-de Hytaýdaky bilim maksatnamalary we elektronika satuwy üçin ýeňillikler ýardam etdi.
ABŞ-da ýokary görkezijiler gümrük paçlary güýje girmezden ozal ätiýaçlyk edinmek, ösýän ýurtlarda bolsa bilim pudagyndaky isleg bilen baglanyşyklydyr. Emeli aňa esaslanýan funksiýalar premium segmentde-de planşetlere bolan gyzyklanmany artdyrýar.
Üpjünçilik boýunça öňdebaryjylar Apple, Samsung, Lenovo, Amazon we Xiaomi boldy.
Apple bazara 12,7 mln planşet (+2,4%) iberdi, muňa 10,9 dýuýmlyk iPad-yň we täzelenen iPad Air modelleriniň çykmagy ýardam etdi.
Samsung 7,2 mln planşet (+4,2%) satyp, Latyn Amerikasynda, Ýakyn Gündogarda we Ýewropada ornuny berkitdi.
Lenovo 3,1 mln planşet (+25%) bilen üçünji orny saklap galdy.
Amazon satuwy 205%, 3,1 mln gurluşa çenli artdyryp, öňdebaryjylaryň bäşligine gaýdyp geldi. Uly ösüş iýul aýyndaky Prime Day 2025 we gümrük paçlarynyň ýokarlanjakdygy baradaky habarlar bilen baglanyşyklydyr. Xiaomi 2,8 mln planşet (+42%) bilen üpjün etdi we esasy isleg Pad 7-niň hem-de Redmi Pad SE-niň paýyna düşdi.
