Ubisoft kompaniýasy Far Cry oýunlarynyň esasynda serial düşürmek isleýär. Bu barada maglumat kompaniýanyň resmi saýtyndaky metbugat relizinde peýda boldy, ýöne tiz wagtdan aýryldy. Muňa garamazdan, anons ulanyjylaryň ünsüni çekip ýetişdi diýip, PlayGround ýazýar.
Taslamanyň şouranneri “Fargo”, “Keseki: Ýer” we “Legion” seriallary bilen tanalýan Noý Houli bolar. Baş keşbi Rob Makelhenni ýerine ýetirer, ol prodýuser hökmünde-de çykyş eder.
Serial FX akym hyzmatynda çykar. Sýužet we reliziň senesi barada maglumat ýok.
Far Cry birinji ýüzden şuter we action-adventure žanrlaryndaky oýun seriýasydyr. Oýnuň birinji bölümi Germaniýanyň Crytek studiýasy tarapyndan taýýarlandy, soňkularyň üstünde bolsa Kanadanyň Ubisoft Montreal kompaniýasy işledi. Oýunda açyk dünýäler bolup, oýunçylar olary erkin öwrenip, dürli işleri ýerine ýetirip bilýär.
Esasy seriýada alty oýun, şeýle-de birnäçe spin-off we Far Cry Primal, Far Cry New Dawn ýaly giňeldilen wersiýalar çykdy. 2024-nji ýylda Ubisoft 20 ýylda seriýanyň auditoriýasynyň 90 million oýunçydan geçendigini habar berdi.
Mundan öň Mass Effect oýnuny ekranlaşdyrmak meýilnamalary belli boldy. Bu taslamanyň üstünde Fallout boýunça serial düşürýän şol bir topar işlär.
