Zacoe awtobezeg-atelýesi Lamborghini Revuelto superkary üçin kuzowyň elementleriniň toplumyny döretdi. Täze obwesiň kömegi bilen awtoulag, esasy wersiýasyna garanyňda, ep-esli giňeldi. Esasy tapawut - düýbünden täze ganatlarynyň bolmagy, olar adaty ganatlaryň üstünde oturdylmaýar-da, olaryň ornuny tutýar.
Awtoulagyň ähli elementleri uglerod süýüminden ýasalan. Topluma kapot, hereketlendirijiniň gapagy, splitterli öň bamper, diffuzorly yzky bamper, şeýle hem giň aýnalar girýär.
Böleklere birleşdirilen aerodinamik žalýuzlar howa akymyny optimizirlemäge we gysyş güýjüni ýokarlandyrmaga kömek edýär. Mundan başga-da, giňeldilen arkalar has giň tekerleri oturtmaga mümkinçilik berýär, bu bolsa durnuklylygy we ýokary tizlikde barylýarka ssepleniýany ýokarlandyrýar. Hereketlendirijiniň sowadylyşyny gowulandyrmak üçin üçekde goşmaça howa kabul edilişi peýda boldy.
Mundan başga-da, Zacoe Fi Exhaust kompaniýasy bilen bilelikde Revuelto üçin ýörite gaz çykarýan ulgamyny hödürledi. Onuň tapawutly aýratynlygy, 3D printerde ýasalan täsin uçluklardyr. Olar diňe bir awtoulagyň daşky görnüşini däl-de, eýsem tehniki häsiýetnamasyny hem gowulaşdyrýarlar.
Üýtgetmeleriň bahasy aýan edilmeýär.
