New Line Cinema “Ahyrky nokat 7” filminiň önümçiligine başlady

  • 10.08.2025 14:09
  • 4.1k+

Warner Bros. kompaniýasynyň bölümçesi New Line Cinema meşhur “Ahyrky nokat” franşizasynyň ýedinji bölüminiň düşürilýändigini yglan etdi. Bu barada The Hollywood Reporter ýazýar.

Ssenarini franşizanyň altynjy bölüminiň – “Gan baglanyşygynyň” üstünde işlän Lori Ewans Teýlor ýazar.
Ýatlap geçsek, “Ahyrky nokadyň” altynjy bölümi maý aýynda ekrana çykyp, tankytçylardan ýokary bahalary aldy we franşizada iň üstünlikli bölüm boldy. Ol dünýä prokatynda 286 mln dollardan gowrak ýygnap, 2009-njy ýyldaky “Ahyrky nokat 4” filminiň kassa ýygymyndan iki esse diýen ýaly öňe geçdi. Filmiň režissýorlary Zak Lipowski we Adam B.Steýn boldy.
Umuman alanyňda, franşizanyň ähli bölümi 983 mln dollardan gowrak gazanyp, New Line-yň üçünji üstünlikli horror-franşizasy boldy.
“Ahyrky nokat” ilkinji gezek 2000-nji ýylda görkezildi. Her filmiň sýužeti uly betbagtçylygy öňünden görüp, beýleki adamlary halas etmek bilen ölümden gaçýan gahrymanyň töwereginde ýaýbaňlanýar. Ýöne tiz wagtdan diri galanlary Ajalyň özi yzarlap başlaýar we gutulgysyz ýagdaýda her biriniň başyna düşýär.


29.08.2025 19:57
1.3k+

“Keý-pop melgun awçylary” Netflix-iň iň köp tomaşa edilýän filmi boldy

Täze animasion film “Keý-pop melgun awçylary” (KPop Demon Hunters) Netflix amerikan platformasynyň taryhynda iň meşhur taslama boldy. Kompaniýanyň maglumatlaryna görä, Sony Pictures Animation bilen hyzmatdaşlykda döredilen multfilm eýýäm 236 milliondan gowrak tomaşa ýygnady...

29.08.2025 01:03
3k+

Lionsgate “Alagaraňkylyk” filmlerini 4K formatda gaýtadan prokata çykarar

Lionsgate “Alagaraňkylyk” (Сумерки) filmlerini gaýtadan prokata çykarýandygyny mälim etdi. Franşizanyň ähli filmleri ABŞ-da täzelenen 4K görnüşde görkeziler. Filmleriň görkezilişi oktýabrda başlar diýip, Discussing Films twitter-akkaunty habar berdi...

28.08.2025 17:21
1.9k+

Wenesiýa kinofestiwaly badalga aldy: Werner Hersog “Altyn ýolbarsa” mynasyp boldy

Italiýada 82-nji Wenesiýa kinofestiwaly öz işine başlady. Festiwalyň ilkinji güni kinematografda bitiren hyzmatlary üçin “Altyn ýolbars” hormat baýragynyň gowşurylyş dabarasy geçirildi. Şu ýyl ony germaniýaly režissýor Werner Hersog aldy...

27.08.2025 16:00
2.3k+

Netflix-iň çykaran filmi ilkinji gezek ABŞ-da prokatyň öňdebaryjysy boldy

Netflix-iň “Keý-pop melgun awçylary” animasion filmi amerikan prokatynda birinji orny eýeledi. Ilkinji dynç günleri film 18-20 mln dollar töweregi gazandy diýip, Variety habar berýär. Adatça Netflix kinoteatr relizlerinden gaça durýar...