Google-yň AI-si açyk programma üpjünçiligindäki gowşaklyklary ilkinji gezek özbaşdak kesgitledi

  • 09.08.2025 14:44
  • 1.5k+

Google-yň emeli aňy ilkinji gezek açyk programma üpjünçiliginde (Open Source) özbaşdak 20 gowşaklygy ýüze çykardy. Bu barada Google-yň howpsuzlyk boýunça wise-prezidenti Hizer Adkinsiň X sosial ulgamynda beren beýanyna salgylanýan TechCrunch habar berdi.

Kemçilikler, Big Sleep ulgamynyň kömegi bilen, FFmpeg multimedia kitaphanasy we ImageMagick grafika redaktory ýaly taslamalarda tapyldy.
Big Sleep ulgamy DeepMind bölümi we bilermenleriň Project Zero kiberhowpsuzlyk topary tarapyndan bilelikde döredildi. Tapylan gowşak ýerler barada entek jikme-jiklikler aýdylmady, sebäbi entek olar düzedilmedi. Şeýle-de bolsa, Big Sleep-iň üstünlikli işi AI gurallarynyň hakykatdanam amaly netijeleri berip başlandygyny tassyklaýar. Kompaniýanyň wekili Kimberli Samranyň sözlerine görä, her bir kemçilik, adam gatyşmazdan, emeli aň tarapyndan tapyldy we dile getirildi. Şeýle-de bolsa, hasabat ibermezden ozal, hünärmenler ähli maglumatlary ýene bir gezek barladylar.
Google-yň inženerçilik boýunça wise-prezidenti Roýal Hansen bu üstünligi gowşak goragy awtomatik gözlemekde öňe gidişlik diýip atlandyrdy. Şol bir wagtyň özünde Big Sleep şunuň ýaly ýeke-täk gural däl. Bazarda RunSybil we XBOW ýaly beýleki AI ulgamlary hem bar. Soňkusy gowşak goragy gözlemeklige  ýöriteleşen HackerOne platformasynda birinji ýerde durýar.
RunSybil-iň esaslandyryjysy we tehniki direktory Wlad Ionesku Big Sleep-i çynlakaý we oýlanyşykly taslama hökmünde häsiýetlendirdi we onuň aňyrsynda tejribeli hünärmenleriň durandygyny aýtdy. Şol bir wagtyň özünde, ol barha ulalýan  bir meseläniň bardygyny belläp geçdi: käbir AI ulgamlary hakyky gowşaklyklary simulýasiýa edip ýalan hasabatlary döredýär. Onuň sözlerine görä, işläp düzüjiler ynandyryjy görünýän habarlary has köp alýarlar, ýöne hakykatda ol ýerde ýalňyşlyklar ýok bolup çykýar. Ol bu hadysany Bug Bounty -  tapylan ýalňyşlyklar üçin sylaglar programma ulgamyndaky sanly "zibil" diýip atlandyrdy.


düýn 18:10
447

Microsoft ilkinji hususy EA modellerini görkezdi: biri sözleýiş, beýlekisi tekst döredýär

Microsoft ilkinji gezek özüniň emeli aň modellerini hödürledi. Mundan öň kompaniýa, esasan, OpenAI-iň çözgütlerini ulanyp, olary Azure infrastrukturasyna we Copilot önümlerine goşýardy. Indi bolsa onuň öz ulgamlary – MAI-Voice-1 we MAI-1-preview bar...

düýn 13:29
2.5k+

Google Translate-e dil öwrenmek funksiýasy goşuldy: ol nähili işleýär?

Google resmi taýdan emeli aňyň esasynda Google Translate-e iki täze funksiýany goşdy: hakyky wagtda janly terjime guraly we dil öwrenmek boýunça şahsylaşdyrylan ulgam. Indi hyzmaty diňe bir terjime üçin däl, eýsem eşidiş we sözleýiş tejribesi üçin hem ulanmak bolýar...

28.08.2025 07:09
4.2k+

Google Play-den 77 zyýanly programma aýryldy: olar 19 mln gezek ýüklendi

Google Play programmalar dükanyndan jemi 19 mln gezek gurnalan 77 zyýanly programma bozuldy. Howpy Zscaler ThreatLabs gözleg toparynyň hünärmenleri ýüze çykardy diýip, BleepingComputer neşiri ýazýar. Gözlegiň maglumatlaryna görä, ýüze çykarylan programmalaryň 66%-den gowragy mahabat görkezýän programmalardy...

27.08.2025 11:12
6.7k+

Mask iPhone-a ChatGPT-niň goşulmagy sebäpli Apple bilen OpenAI-i kazyýete berdi

Milliarder Ilon Maskyň X we xAI kompaniýalary Apple we OpenAI (ChatGPT çat-botuny dörediji) kompaniýalaryna garşy şikaýat arzasy bilen Tehasdaky kazyýete ýüz tutdy. Bu barada 25-nji awgustda Bloomberg agentligi habar berdi...