“Barselonanyň” hüjümçisi Lamin Ýamal 21 ýaşa çenli dünýäniň iň gowy ýaş futbolçysyna berilýän Kopa baýragyna dalaşgärleriň sanawyna goşuldy. Bu barada “Altyn top” baýragynyň metbugat gullugy X sosial ulgamynda habar berdi.
Beýleki dalaşgärleriň arasynda şular bar – Pau Kubarsi (“Barselona”), Dezire Due we Žoau Neweş (ikisi-de – “Pari Sen-Žermen”), Aýýub Buaddi (“Lill”), Estewao (“Çelsi”), Din Hýoýsen (“Real”), Maýlz Lýuis Skelli (“Arsenal”), Rodrigu Mora (“Portu”) we Kenan Ýyldyz (“Ýuwentus”).
Ýeňiji 22-nji sentýabrda Parižde geçiriljek “Altyn top” baýragynyň gowşurylyş dabarasynda yglan ediler.
Ýamal – 2024-nji ýylyň Ýewropa çempionatynyň iň gowy ýaş oýunçysy, ýaryşyň taryhynda iň gowy ýaş gatnaşyjy we gol awtory hökmünde ýaryşyň rekord eýesi. Ol 2024-nji ýylyň noýabrynda Ýewropanyň iň gowy ýaş futbolçysy hökmünde Golden Boy baýragyny aldy.
Geçen ýyl Kopa baýragy Ýamala berildi.
