ChatGPT hepdede 700 mln ulanyja golaýlaýar

  • 08.08.2025 16:22
  • 2k+

OpenAI kompaniýasy ChatGPT-niň hepdelik işjeň ulanyjylarynyň sanynyň tiz wagtdan 700 milliona ýetjekdigini habar berdi. 2025-nji ýylyň martynda bu görkeziji 500 milliona deňdi diýip, TechCrunch ýazýar.

OpenAI-iň wise-prezidenti Nik Terliniň aýtmagyna görä, hyzmatyň auditoriýasy geçen ýyl bilen deňeşdirilende dört esse ulaldy. Ol X sosial ulgamyndaky postunda ChatGPT-niň hem aýry-aýry ulanyjylar, hem toparlar tarapyndan okuw, döredijilik we çylşyrymly meseleleri çözmek maksady bilen işjeň ulanylýandygyny belledi.
Çat-botuň meşhurlygynyň artmagyna mart aýynda hödürlenen GPT-4-üň esasynda şekil emele getiriş funksiýasy uly ýardam berdi. Kompaniýanyň operasion müdiri Bred Laýtkapyň habar bermegine görä, ulanyjylar bu funksiýa işe girizilenden soň bary-ýogy birnäçe günüň içinde 700 milliondan gowrak surat döretdi.
Şeýle-de, tölegli agzalaryň sany hem artýar. Soňky maglumatlara görä, ChatGPT-ni 5 million korporatiw müşderi ulanýar – bu iýun aýyndakydan 2 million köpdür.
Sensor Tower-iň gözleglerine görä, ChatGPT diňe Google-dan we X-den (öňki Twitter) yza galyp, iň özüne çekiji programmalaryň üçlügine girýär. 2025-nji ýylyň birinji ýarymynda programmanyň ortaça ulanylyş dowamlylygy günde 16 minut, ýygylygy bolsa aýda 12 günden gowrak boldy. 


27.08.2025 11:12
6.2k+

Mask iPhone-a ChatGPT-niň goşulmagy sebäpli Apple bilen OpenAI-i kazyýete berdi

Milliarder Ilon Maskyň X we xAI kompaniýalary Apple we OpenAI (ChatGPT çat-botuny dörediji) kompaniýalaryna garşy şikaýat arzasy bilen Tehasdaky kazyýete ýüz tutdy. Bu barada 25-nji awgustda Bloomberg agentligi habar berdi...

26.08.2025 14:37
4.1k+

Google-yň aýtmagyna görä, Gemini her soraga jogap bermek üçin bary-ýogy 5 damja suw sarp edýär. Hakykatdan hem şeýlemikä?

Google kompaniýasy Gemini emeli aňynyň daşky gurşawa ýetirýän täsiri barada öz barlagyny çap etdi. Kompaniýa netijeliligiň ýokarlanmagy bilen häzirki modeliň ortaça 0,24 watt sagat elektrik energiýasyny (telewizoryň dokuz sekuntlap işlemegine deň) we bir tekst soragy üçin takmynan 0,26 millilitr suw (bäş damja) sarp edýändigini tassyklaýar...

23.08.2025 18:35
3.3k+

Weýmarda ChatGPT-niň pýesasy boýunça “FaustX” spektakly görkezildi

Nemes şahyry Iogann Wolfgang fon Gýoteniň ýaşan we işlän ýeri bolan Germaniýanyň Weýmar şäherindäki sungat festiwalynda “FaustX” spektaklynyň premýerasy boldy. Ol günorta afrikaly režissýor Brett Beýli we onuň garaşsyz teatry Third World Bunfight tarapyndan sahnalaşdyryldy...

22.08.2025 18:51
6.5k+

Forbes: Ilon Maskyň Grok çat-boty ulanyjylar bilen ýüzlerçe müň söhbetdeşligi internete ýaýratdy

Ilon Maskyň xAI kompaniýasy tötänleýin ýüzlerçe müň ulanyjynyň Grok çat-boty bilen ýazyşan söhbetlerini açyk elýeterlilige hödürledi. Köp ulanyjylar öz söhbetdeşliginiň köpçülige ýaýrap biljekdigini bilmeýärdi diýip, Forbes žurnaly habar berdi...