OpenAI açyk parametrler bilen täze pikir ýöredýän EA modellerini – gpt-oss-120b bilen gpt-oss-20b-ni hödürledi. Ulanyjylar olary ýükläp alyp, öz enjamlarynda işledip biler. Modelleriň ikisi-de ädimleýin pikir ýöretme tehnologiýasyny (Chain of Thought) goldaýar.
Şol bir wagtyň özünde kompaniýa wersiýalaryň birinde – gpt-oss-20b-de gowşaklyklary we “howply hereket” formalaryny tapmak üçin bäsleşik yglan etdi. Baýrak gaznasy 500 müň dollara barabar.
Gatnaşyjylar islendik ylmy gözlegçi we işläp düzüji bolup biler. Arzalar bäsleşik yglan edilenden soň 21 günüň dowamynda kabul edilýär. Işlere OpenAI-iň we beýleki öňdebaryjy barlaghanalaryň hünärmenlerinden ybarat komissiýa baha berer.
Baýrak gaznasy on ýeňiji toparyň arasynda paýlanar. Olaryň her biri 50 müň dollar alar. Bir toparda bäş adama çenli bolup biler we her bir topar diňe bir arza berip bilýär.
