Apple-iň baş direktory Tim Kuk işgärler bilen geçirilen içerki ýygnakda kompaniýanyň geljekdäki ösüşlerine adaty bolmadyk umyt bildirdi. Ol ýakyn ýyllar üçin niýetlenen "ýol kartasyny" "haýrana galdyryjy" diýip atlandyrdy we Apple-iň köp sanly bildirişleri taýýarlaýandygyny aýtdy diýip, Bloombergiň žurnalisti Mark Gurmana salgylanýan 9to5Mac habar berýär.
Kuk "yglan edilýän işläp taýýarlamalardan ýaňa beýle ýokary energiýany we umydy ozal hiç wagt duýmandygyny" aýtdy. Käbir täze önümler eýýäm ýakyn wagtda, käbirleri bolsa biraz gijräk hödürlener. Şol bir wagtyň özünde, "almaçylaryň" başlygy gizlinlik syýasaty sebäpli jikme-jiklikleri açyp bilmejekdigini belledi. Ol diňe häzirki önüm setiriniň Apple-iň taryhynda iň täsir galdyryjydygyny aýtdy.
Gurmanyň sözlerine görä, çykyşda emeli aň we Siri ses kömekçisiniň täzelenmegi bilen baglanyşykly temalara deglip geçildi. Neşiriň pikirine görä, Kukuň optimizmi kompaniýada toplan 30 ýyl töweregi tejribesiniň we iPhone-y öz içine alýan köp sanly esasy çykarylan önümleriň fonunda aýratyn bellärliklidir.
Häzir Apple-iň iPhone-ny, iPad-i, Mac-y, AirPods–y kämilleşdirmegiň, şeýle hem täze taslamalar bolan Apple Glass akylly äýneginiň we akylly öý üçin enjamlaryň üstünde işleýändigi mälimdir. Bilermenler ünsüň täze "ýol kartasyna" jemlenmegi kompaniýanyň AI ulgamynda yza galmagy baradaky tankytlara strategik jogap bolup biler diýip hasaplaýarlar.
