7-nji noýabrdan 21-nji noýabr aralygynda Er-Riýadda geçiriljek VI Yslam raýdaşlygy oýunlarynyň guramaçylyk komiteti ýaryşlaryň resmi tumaryny hödürledi. Ol Finžaal atly kofe çaşkasy boldy.
Guramaçylaryň habar berşi ýaly, tumaryň obrazy araplaryň kofe üçin çaşkasyna esaslanýar. Ol oýunlary kabul edýän Saud Arabystanynyň medeni mirasyny we myhmansöýerligini alamatlandyrýar.
Ýaryş programmasyna 20-den gowrak dissiplina girer, olaryň arasynda sportuň Olimpiýa we Paralimpiýa görnüşleri bar.
Geçenki V Yslam raýdaşlygy oýunlary 2022-nji ýylda Konýa şäherinde (Türkiýe) geçirildi. Onda Türkmenistanyň milli ýygyndysy 23 medal: 4 altyn, 6 kümüş we 13 bürünç medal gazandy.
