OpenAI kompaniýasy ChatGPT çat-botuna täze funksiýany girizdi, indi ol ulanyjylara EA bilen aragatnaşyk uzak dowam eden ýagdaýynda arakesme etmek zerurlygy barada ýatladar.
Şeýle ýatlatma ýüzýän penjirelerde peýda bolýar. Söhbetdeşligi dowam etdirmek üçin, ulanyja razylyk bermek gerek.
Bu ulgam Nintendo Wii we Switch pristawkalarynda peýda bolýan duýduryşlara meňzeýär, ýöne ChatGPT-li ýagdaýda ol akyl saglygy bilen bagly has düýpli meseleleri çözmäge gönükdirilendir.
Engadget neşiriniň habar berşi ýaly, bu çözgüt EA-nyň psihika ýetirýän täsiri barada howsalalaryň artmagy netijesinde kabul edildi. Iýun aýynda The New York Times ChatGPT-niň garşylyksyz razy bolmaga meýilli bolup, ýalan ýa-da howply jogaplary berip biljekdigi barada material hödürledi. Neşiriň maglumatlaryna görä, köp ýagdaýda bu ulanyjylar bilen agyr temalardan gürrüňdeşliklere, şol sanda özüňe kast etmek temalaryny maslahatlaşmaga getirdi. EA hem şeýle gürrüňleriň hemişe öňüni almady.
OpenAI-iň blogunda ChatGPT-niň täzelenjekdigi tassyklanýar: duýga täsir ediji soraglara jogap berlende bot anyklaşdyryjy soraglary berip, ulanyja ýagdaýy seljermäge we başga ýollary gözden geçirmäge kömek eder.
Ozal kompaniýa EA-nyň aşa ýardamçyl bolup, islendik pikirler bilen aňsat razylaşmagyna getiren täzelenmeleriň birini ýatyrdy. OpenAI ýaranjaň däl-de, peýdaly kömekçini döretmäge ýykgyn edýändigini belleýär, arakesme baradaky ýatlatma bolsa ulanyjylara tankydy pikirlenmäni we emosional deňagramlylygy saklamaga kömek eder.
