“Fantastik dörtlük: Ilkinji ädimler” (Фантастическая четвёрка: Первые шаги) filmi iki uikendiň jemi boýunça amerikan prokatynda 198 mln dollar ýygnap, çartlarda öňdebaryjylygy saklady. Film “Bezzat oglanlar 2” (Плохие парни 2) animasion filminden we “Ýalaňaç sapança” (Голый пистолет) komediýasyndan öňe geçdi diýip, Variety habar berýär.
Ýöne Marvel-iň täze filminiň kassa ýygymy ilkinji hepdesi bilen deňeşdirilende 66% pese gaçdy, bu 2022-nji ýylda “Tor: Söýgi we gök gürrüldisi” (Тор: Любовь и гром) filminiň pese gaçyşy (67%) bilen deňdir. Dünýä prokatynda film 368 mln dollar gazandy. Tomaşaçy gyzyklanmasynyň düýpgöter peselmegi Marvel üçin nobatdaky şowsuzlyk bolup biler.
“Fantastik dörtlük: Ilkinji ädimler” 25-nji iýulda prokata çykdy. Film üýtgeşik ukyplary bolan supergahrymanlar barada gürrüň berýär. Sýužet olaryň gelip çykyşynyň taryhyna gitmeýär (bu eýýäm beýleki filmlerde edildi) we munuň deregine täze sýužet öwrümlerine ünsi jemleýär. Baş keşpleri Pedro Paskal, Wanessa Kirbi, Jozef Kuinn we Ebon Moss-Bakrak ýerine ýetirdi.
