Mark Ruffalo “Möý adam 4” filminiň aktýorlar düzümine resmi taýdan goşuldy we ýene-de Halkyň keşbini ýerine ýetirer. Film 2026-njy ýylyň 31-nji iýulynda halkara prokata çykar we “Düýpgöter täze gün” goşmaça sözbaşysyny alar.
Internet torunda geljekki filmiň gysga tizeri hödürlendi.
Piter Parkeri ýene-de Tom Holland oýnar. Şeýle-de, aktýorlaryň arasynda Zendeýa, Jon Berntal (Jezalandyryjy), Sedi Sink, Maýkl Mendo (Içýan) we beýlekiler bar.
Taslamanyň režissýory “Şan-Çi” filmi bilen tanalýan Destin Deniel Kretton boldy. Film eýýäm Şotlandiýanyň Glazgo şäherinde düşürilip başlandy. Sýužet barada giňişleýin maglumat entek ýok.
Ruffalo ilkinji gezek Halkyň keşbinde “Ar alyjylar” filminde (2012) peýda boldy. Soňky gezek bu keşbi “Hanym Halk: Aklawçy” (Женщина-Халк: Адвокат) serialynda ýerine ýetirdi.
