Apple-iň Hytaýyň Weibo sosial ulgamyndaky resmi akkaunty ýalňyşlyk bilen täze Samsung Galaxy Z Flip7 eplenýän smartfonynyň mahabat wideosyny hödürledi. Wideo tiz wagtdan aýryldy, ýöne ulanyjylar ýalňyşlyga üns berip ýetişdi we indi ol gülküli ýagdaýlaryň birine öwrüldi diýip, MacRumors ýazýar.
Neşiriň maglumatlaryna görä, ýalňyşlyk kompaniýanyň ikisiniň-de sosial ulgamlarda olaryň harytlaryny mahabatlandyrmak bilen meşgullanýan şol bir marketing agentliginiň hyzmatlaryndan peýdalanmagy bilen baglanyşykly bolsa gerek. Ähtimal, SMM hünärmeni faýllary çalşyp, tötänlik bilen Apple-iň sahypasyna onuň bäsdeşiniň wideosyny ýüklän bolmaly.
Internet torunda Apple-iň şeýle etmek bilen eplenýän iPhone-yň çykmagyna yşarat edip bilendigi barada degişýärler. Ýöne, her niçigem bolsa, anons üçin kompaniýa şeýle usuly ulanmasa gerek.
Öň MacRumors neşiri JPMorgan-yň içerki resminamalaryna salgylanyp, eplenýän iPhone Fold smartfonynyň 2026-njy ýylyň sentýabrynda çykyp biljekdigini habar berdi. Insaýderleriň maglumatlaryna görä, gurluş epinsiz 7,8 dýuýmlyk içki ekrana we 5,5 dýuýmlyk daşky displeýe, titandan korpusa, polat şarnire we Touch ID skanerine eýe bolar. Smartfonyň bahasy 1999 dollar bolup biler.
