Fransiýanyň Kering holding kompaniýasy 2025-nji ýylyň birinji ýarymynyň maliýe netijelerini neşir etdi. Holdinge Gucci, Yves Saint Laurent, Balenciaga, Bottega Veneta, Alexander McQueen ýaly modalar öýleri we beýleki brendler degişli.
Kering-iň girdejisi geçen ýyl bilen deňeşdirilende 16% azaldy we 7,6 milliard ýewro boldy, amal girdejisi 39% peselip, 969 million ýewro düşdi.
Öňdebaryjy Gucci brendiniň girdejisi 26% peselip, 3 milliard ýewro çenli düşdi, amal girdejisi bolsa 52% azaldy we 486 million ýewro boldy.
Girdejileriň azalmagy Yves Saint Laurent-de hem (11% aşak) we toparyň beýleki modalar öýlerinde (15% aşak) hem hasaba alyndy. Diňe Bottega Veneta-nyňky peselmedi, onuň girdejisi 1% ýokarlandy. Kompaniýanyň söwdasy esasy bazarlarda, esasanam Ýaponiýada we Aziýa-Ýuwaş umman sebitinde peseldi.
Kering bu görkezijileriň "bazaryň ýagdaýynyň juda çylşyrymlaşandygyny" görkezýändigini belläp, netijeleriň kompaniýanyň potensialyndan "has pesdigini" aýtdy. Şol bir wagtyň özünde, holdingde soňky iki ýylda "Kering-iň ösüşiniň indiki tapgyrlary üçin sagdyn binýady" döretmegi başarandygyny bellediler.
Kering-iň paýnamalary soňky iki ýylda takmynan 60%-ni ýitirdi, bu lýuks harytlara bolan islegiň dünýä derejesinde peselmeginiň fonunda bolup geçdi.
