Apple 2007-nji ýylda iPhone-nyň birinji modeli döränden bäri 3 milliard iPhone satdy

  • 01.08.2025 19:23
  • 3.6k+

Apple kompaniýasy ilkinji iPhone modeliniň çykan gününden bäri 3 milliarddan gowrak enjam satandygyny habar berdi. Bu barada kompaniýanyň baş direktory Tim Kuk 2025-nji ýylyň üçünji maliýe çärýeginiň hasabatyny tanyşdyranda aýtdy diýip, TechCrunch habar berýär.

iPhone-nyň taryhy eýýäm 18 ýyllyk döwri öz içine alýar — ilkinji model 2007-nji ýylda çykypdy. Ilkinji milliarda ýetmek üçin Apple 9 ýyl sarp etdi. Ikinji milliarda baş ýylda ýetdi, üçünji milliarda bolsa eýýäm 4 ýylyň dowamynda ýetdi. 
Iň köp satylan modelleriň arasynda 2020-nji ýylda çykarylan iPhone 12 ýerleşýär. Bu modelden 250 milliondan gowragy satyldy. iPhone 6 we 6 Plus modeli 220 milliondan gowrak satuw bilen ikinji orunda ýerleşýär. 
2025-nji ýylyň III çärýegi boýunça Apple-nyň girdejileri:

  • Jemi girdeji: $94,04 milliard (2024-nji ýylyň degişli döwrüne garanyňda +10%)
  • iPhone: $44,58 milliard (+13,5%)
  • Mac: $8,05 milliard (+8%)
  • iPad: $6,58 milliard (–14,8%)
  • Aksessuarlar (AirPods, AirTag, Apple Watch we beýlekiler): $7,4 milliard
  • Hyzmatlar (App Store, iCloud, Apple Music we ş.m.): $27,42 milliard

Kompaniýa indiki çärýekde girdejiniň 1% artmagyna garaşýar hem-de hatda ABŞ-nyň gümrük syýasatyndaky üýtgeşmelere garamazdan 46–47% aralygynda girdeji çelgisini saklamagy meýilleşdirýär.
Hasabatdan soňra Apple-nyň paýnamalarynyň bahasy 2% ýokarlandy.


17.08.2025 23:37
2.5k+

iOS 26-da animasiýalar çaltlaşdyryldy: köne iPhone “has janly” işlär

Apple kompaniýasy iOS 26-ny synagdan geçirmegi dowam etdirýär, onuň durnukly wersiýasy indiki aýda iPhone 17 bilen bilelikde çykar. Häzir işläp düzüjiler iOS 26 beta 6-ny gurnap bilýär, onda birnäçe uly üýtgeşmeler peýda boldy...

14.08.2025 16:28
1.9k+

Apple adaty ringtonyň remiksleri we beýleki täzelikler bilen iOS 26 beta 6-ny çykardy

Apple işläp düzüjiler üçin iOS 26-nyň altynjy beta wersiýasyny çykardy. Onda awtomatik gurnalan “Reflection” (Serpikme) ringtonynyň alty remiksi we interfeýsiň birnäçe üýtgeşmeleri peýda boldy. Adaty ringtonyň täze wersiýalary “Buoyant” (Şadyýan), “Dreamer” (Arzuwçyl), “Tech” (Tehnologik), “Pop”, “Reflected” (Serpikdirilen), “Surge” (Joşgun) atlaryny aldy...

14.08.2025 16:20
2.2k+

Huawei üç ekranly Mate XT-2 smartfonyny iPhone 17-niň tanyşdyryljak güni hödürlär

Huawei eplenýän üç ekranly smartfonynyň täze görnüşini – Mate XT 2 smartfonyny taýýarlaýar. Fixed Focus Digital insaýderleriniň maglumatlaryna görä, smartfonyň tanyşdyrylyşy 10-njy sentýabrda bolup biler. Bu sene Apple-iň iPhone 17 smartfon hatarynyň garaşylýan tanyşdyrylyş dabarasy bilen gabat gelýär...

14.08.2025 12:57
2.2k+

Apple TV+ oktýabrda Martin Skorseze barada dokumental mini-serial çykarar

Apple TV+ “Näletlenenleriň adasy” (Остров проклятых), “Nýu-Ýorkuň bandalary” (Банды Нью-Йорка) we “Taksi sürüjisi” (Таксист) ýaly filmleri düşüren režissýor Martin Skorseze barada “Martin Skorseze” dokumental mini-serialynyň treýlerini hödürledi...