“Şrek” animasion franşizasy giňelmegini dowam etdirer – bu gezek Eşek aýratyn filme eýe bolar. Bu barada Eddi Mýorfi Screen Rant neşiri bilen söhbetdeşlikde habar berdi.
Onuň aýtmagyna görä, häzir aktýorlar düzümi “Şrek 5-e” ses bermegini tamamlaýar, güýzde bolsa topar Eşek barada spin-offuň üstünde işlemäge başlar. Täze bölüm gahrymanyň aýaly – Elizabet atly Aždarha we çagalary – aždarha-kürreler bilen durmuşy barada gürrüň berer.
Eddi Mýorfi täze filmiň üstünde sentýabrda işlenip başlanjakdygyny aýdyňlaşdyrdy.
Eşek – “Şregiň” esasy gahrymanlarynyň biri bolup, ol barada ozal aýratyn taslama çykarylmandy. Emma ýene bir meşhur gahryman Ädikli pişigiň bolsa 2011-nji we 2022-nji ýyllarda düşürilen iki spin-offy bar.
“Şrek 5” multfilminiň premýerasy 2026-njy ýylyň 23-nji dekabryna meýilleşdirilýär. Bu multfilm 2010-njy ýylda çykan “Şrek ömürlik” lentasynyň dowamy bolar. Ses beren esasy aktýorlar öz keşplerine gaýdyp geler. Olara Zendeýa hem goşular – ol Şrek bilen Fionanyň gyzy Felisiýanyň sesi bolar.
