Geçen dynç günleri Golliwudyň iki filmi dünýä prokatynda 500 mln dollardan geçdi.
Variety neşiriniň habar bermegine görä, iýulyň başynda kinoteatrlarda görkezilip başlanan Jeýms Gannyň “Supermen” filmi ABŞ-da 289,5 mln dollar ýygnady. Halkara kassa ýygymlary 213,2 mln dollar boldy we bu umumy girdejini 502,7 mln dollara ýetirdi.
Jozef Kosinski tarapyndan hödürlenen “Formula-1” ýaryş dramasy amerikan prokatynda 165,5 mln dollar, daşary bazarlarda 344,1 mln dollar gazandy. Umumy kassa ýygymy 509,6 mln dollar boldy. Bu Apple Studios-yň giň prokata çykan taslamalaryň arasynda iň girdejili filmi boldy.
“Fantastik dörtlük: Ilkinji ädimler” (Фантастическая четвёрка: Первые шаги) filmi üçin geçen uikend ilkinji boldy. Ol prokatyň başynda ABŞ-da 118 mln dollar ýygnap, öňdebaryjy boldy. Film öý prokatynda başlangyç kassa ýygymy boýunça 2025-nji ýylda Marvel kinoäleminiň beýleki filmlerinden ep-esli öňe geçdi: “Kapitan Amerika: Täze dünýä” (Капитан Америка: Новый мир / $88,8 mln) we “Gök gürrüldedijiler*” (Громовержцы* / $74,3 mln). Dünýä prokatynda “Fantastik dörtlügiň” kassa ýygymy 218 mln dollara ýetdi. Filme Marvel-iň nobatdaky şowsuzlygy bolmazlyk üçin, prokatda ynamly saklanmak gerek.
Şol bir wagtyň özünde, “Ýura eýýamynyň dünýäsi: Galkynyş” (Мир Юрского периода: Возрождение) filminiň dünýädäki kassa ýygymy 715 mln dollara ýetdi. Şeýle netijäni film dört hepde prokatyň dowamynda gazandy. Filmiň býujeti 180 mln dollar boldy. Şeýlelikde, dinozawrlar baradaky franşizanyň nobatdaky bölümi Universal Pictures studiýasyna eýýäm girdeji getirýär. Onuň 2025-nji ýylda 1 mlrd girdejä ýeten üçünji film bolmagy-da mümkin.
