“Koýot vs. Akme” (Койот против „Акме“) filmi 2026-njy ýylyň 28-nji awgustynda ABŞ-da prokata çykar. Bu barada Comic Con konwentinde taslamanyň tanyşdyrylyşyndan soň yglan edildi diýip, Variety habar berýär.
Reliziň senesi ilkinji resmi posterde hem görkezildi, onda koýotyň silueti bilen ýerdäki jaýryk şekillendirilýär.
Film kino bilen animasiýanyň gibrididir. Baş gahryman hökmünde Looney Tunes äleminiň multfilmlerinden mekir Koýot çykyş edýär. Sýužet boýunça, ol Ýol ylgawçysyny tutmak üçin döwük gurallary beren “Akme” korporasiýasyny kazyýete bermeli bolýar.
Filme Jon Sina, Uill Forte we Lana Kondor gatnaşdy. Režissýor bolup Deýw Grin çykyş etdi. Ol “Nindzýa pyşbagalary 2” filminiň üstündäki işleri bilen tanalýar.
Ilkibaşda animasion lenta Warner Bros. studiýasyna degişlidi we 2023-nji ýylda çykmaga taýýardy, ýöne kompaniýa salgyt sebäpleri boýunça onuň çykmagyny ýatyrdy. Soňra taslama Netflix we Prime Video akym hyzmatlary, Paramount studiýasy we pudagyň beýleki uly oýunçylary gyzyklanma bildirdi. Netijede garaşsyz Ketchup Entertainment kompaniýasy distribýutor boldy. Şertnamanyň bahasy 50 mln dollar boldy.
