20th Century Studios kompaniýasy “Awatar: Ot we kül” (“Avatar: Fire and Ash”) filminiň – Jeýms Kemeronyň epiki kinofranşizasynyň üçünji bölüminiň ilkinji treýlerini hödürledi.
Resmi relizinden öň treýler birnäçe günüň dowamynda ABŞ-nyň käbir kinoteatrlarynda çäkli görkezildi. Şondan soň zalda tomaşaçylar tarapyndan rugsatsyz düşürilen nusgalar internetde ýaýrap başlady.
Täze bölümde baş gahryman Jeýk Salli, aýaly Neýtiri we olaryň maşgalasy täze Na’wi urugy – Kül halky bilen ýüzbe-ýüz bolýar.
Aktýorlar Sem Uortingon, Zoi Saldana, Sigurni Uiwer we Stiwen Leng geçenki filmlerdäki rollaryna gaýdyp geler. Kül halkynyň baştutanyny Una Çaplin oýnar.
“Awatar: Ot we kül” filminiň premýerasy 2025-nji ýylyň 19-njy dekabrynda bolar.
