Awstriýanyň Freywille zergärlik brendi meksikaly suratkeş Frida Kalonyň (1907-1954) döredijiliginden ylham alyp döredilen ¡Viva la Vida! şaý-sep kolleksiýasyny çykardy.
Dizaýnerler Kalonyň dört suratyna ýüzlendi: “Maýmynlar bilen awtoportret”, “Men we totuguşlarym”, “Tikenekli monjuk we kolibri bilen awtoportret” hem-de kolleksiýa ady dakylan “Ýaşasyn durmuş!” (“Garpyzlar”).
Şaý-seplerde suratkeşiň eserleriniň esasy elementleri – doýgun gyzyl, ýaşyl we gök reňkler, şeýle-de ösümlik we haýwanat dünýäsiniň obrazlary: kebelekler, totuguşlar, maýmynlar, güller we garpyzlar şöhlelendirildi.
Kolleksiýa “Santorin maşgalasy”, “Kare” we “Wiktoriýa” gulakhalkalaryny, “Diwa” ýüzügini we “Aý Pikkola” kulonyny öz içine alýar.
Olar 18 we 24 karat altyn bilen örtüldi. Kalonyň stilinde gök fonda ýerine ýetirilen suratlar firuza ýa-da gyzyl çarçuwa salyndy we syrça bilen örtüldi. Her bir bezeg önüminiň önümçiligi elde amala aşyrylýar we ýüzlerçe işi talap edýär.
Freywille 1951-nji ýylda Wenada esaslandyryldy. Ol syrça we altyn bilen işlemäge ýöriteleşýär. Bu brendiň ussatlary ozal Klod Mone, Wan Gog, Sandro Bottiçelli we Gustaw Klimt ýaly belli suratkeşlere bagyşlanan kolleksiýalary çykardy.
