Ilon Maskyň SpaceX kompaniýasy Kanaweral burnunda ABŞ-nyň Kosmos güýçleri stansiýasynda geljekki SLC-37 uçuş toplumynyň renderini hödürledi. Häzirki wagtda inženerler bu toplumy Starship raketalarynyň zerurlyklaryna görä gaýtadan üýtgedip gurýar.
Kompaniýanyň meýilnamalaryna görä, SLC-37 toplumyndan ýylda 76 Starship raketasyny uçurmak we şonça-da basgançaklary yzyna gaýtarmak meýilleşdirilýär. Munuň üçin toplumyň çäginde 182 metr beýiklikde iki uçuş diňi gurlar – bu Tehasdaky Starbase kosmodromyndakydan hem beýikdir. Goşmaça Super Heavy tizleşdirijilerini tutmak we gondurmak üçin iki diňiň gurluşygy göz öňünde tutulýar.
Şeýle-de, taslamanyň çäklerinde metany suwuklandyrmak üçin zawod we kislorod hem azot almak üçin howany bölýän desga peýda bolar. Täze ýangyç ammarynda 16 500 tonna suwuk kislorod, 6 500 tonna suwuk azot we 5 000 tonna suwuk metan saklanar.
