ABŞ-nyň ozalky Prezidenti Jo Baýden öz ýatlamalaryny çap etmek hukugy Hachette Book Group neşirýatyna 10 million dollara satdy. Bu barada çeşmelerine salgylanýan The Wall Street Journal habar berdi.
Bu şertnama Creative Artists Agency (CAA) tarapyndan araçylyk edildi. Hachette-niň düzümine girýän Little, Brown & Co. neşirýaty entek kitabyň çykjak senesini yglan etmedi.
Ondan öň, 2017-nji ýylda Barak we Mişel Obamalaryň ýatlamasy 60 million dollara, Bill Klintonyň “Meniň durmuşym” atly terjimehaly 2004-nji ýylda 15 million dollara satyldy. CAA 2017-2020-nji ýyllar aralygynda Baýdene 2015-nji ýylda ogly Bo Baýden beýni çişinden ýogalandan soň başdan geçiren hasratlary hakdaky “Söz ber maňa, kaka: umytlaryň, synaglaryň we maksatlaryň ýyly” (“Обещай мне, папа: год надежды, испытаний и цели”) atly kitabyny çykarmaga kömek edipdi.
2025-nji ýylyň fewral aýynda Baýdeniň Prezidentligi barada başga bir kitap CNN-iň žurnalisti Jeýk Tepper we Axios-iň žurnalisti Aleks Tompson tarapyndan ýazyldy. Kitap "Ilkinji günä: Prezident Baýdeniň pese gaçmagy, onuň il gözünden gizlenmegi we gaýtadan dalaşgär bolmak barada gelen aýylganç karary" («Первородный грех: угасание президента Байдена, его сокрытие и катастрофическое решение баллотироваться еще раз») ady bilen çykdy.
