Täze Galaxy Z Fold 7 smartfony adatdan daşary synaglardan üstünlikli geçip, eplenýän smartfonlaryň daşyndan görnüşi ýaly ejiz däldigini subut etdi. Gurluş doňdurylandan, derýa çümdürilenden we beýiklikden gaçandan soň hem işe ukyplylygyny saklady. Synaglar Gupta Information Systems YouTube kanalynyň hünärmenleri tarapyndan geçirildi.
Smartfon 12 sagat buzda durdy, şondan soň kynçylyksyz açyldy. Daşky 6,5 dýuýmlyk we içki 8 dýuýmlyk displeýler birkemsiz işledi.
Çägeli we tozanly çalt akýan derýa 30 minutlap çümdürmek hem smartfona hiç hili zyýan ýetirmedi. Mundan başga-da, gurluş kofe, soda, çaý we dürli temperaturaly suw ýaly synaglara hem çydady.
Daşky Gorilla Glass Ceramic 2 aýnasy hem çyzyklara çydamly boldy. Ultra-Thin Glass-dan içki ekran öňki modeller bilen deňeşdirilende kämil goraga eýe boldy. Berk şarnir Armor FlexHinge bolsa bilgeşleýin ters tarapa egreltmäge çydady. Smartfonyň işine 1,8 metr beýiklikden gaçmak hem täsir etmedi.
Bu synaglar Galaxy Z Fold 7-niň flagman aýratynlyklaryny adatdan daşary ulanylyş şertlerine ýokary çydamlylyk bilen utgaşdyrýandygyny görkezýär.
