Londonyň “Arsenaly” Lissabonyň “Sporting” klubunyň hüjümçisi Wiktor Dýokereş bilen şertnama baglaşdy. Çeşmeleriň we Fabrisio Romanonyň maglumatlaryna görä, transfer mukdary 63,5 mln ýewro (goşmaça 10 mln bonus) boldy.
27 ýaşly şwesiýaly hüjümçi bilen bäşýyllyk şertnama baglaşyldy.
Geçen möwsümde Dýokereş 52 oýunda 54 gol geçirdi we 11 assist etdi. Şeýle statistika garamazdan, ol “Altyn butsy” üçin göreşde “Realyň” hüjümçisi Kilian Mbappeden yza galdy, çünki La Liganyň koeffisiýenti Portugaliýanyň Primeýrasyndan ýokary.
Şwesiýanyň milli ýygyndysynda hem Dýokereş soňky 17 oýunda 12 gol geçirdi.
Futbolçynyň “Sportingden” gitmegi dawaly boldy. Dýokereş APL-e geçmegi tizleşdirmek niýeti bilen klubuň möwsümden öňki türgenleşik ýygnanyşyklaryna gatnaşmady. KHBS oýunçynyň gitmek üçin töleg barada dilden ylalaşyk gazanylandygyna garamazdan, klubuň onuň bahasyny ýokarlandyrmagyna nägilelik bildirendigini ýazdy.
“Arsenalda” oýunçy ozal klubuň meşhur oýunçylary Týerri Anri bilen Pýer-Emerik Obameýanga degişli bolan 14-nji belgide çykyş eder.
Belläp geçsek, Dýokereş ozal Angliýanyň çempionatynda – “Braýtonda”, “Suonside” hem-de “Kowentride” oýnapdy, şol ýerden hem 2021-nji ýylda Lissabona ugrady.
