Jon Uik baradaky filmler bilen tanalýan amerikaly režissýor Çad Stahelski “Calexit” komiksi boýunça doly metražly film düşürer. Bu barada The Hollywood Reporter habar berýär.
Ssenarini Black Mask Studios-yň prezidenti Matteo Pissolo ýazar, prodýuserler hökmünde Aleks Ýang, 87Eleven Entertainment-den Jeýson Spits, şeýle-de Pissolo, Brett Gurewis we Braýan Giberson çykyş eder.
Filmiň wakasy ýakyn geljekde bolup geçýär. ABŞ-nyň Prezidenti ähli immigrantlary deport etmek barada permana gol çekýär, Kaliforniýa bolsa özüni gaçybatalga-ştat diýip yglan edýär. Kaliforniýalylaryň hökümet bilen göreşýän döwründe kontrabandist Jamil gapma-garşylygyň lideri Zora bilen bilelikde eýelenen Los-Anjelesden gaçmaga synanyşýar.
Filmi çykarmak üçin platforma we studiýa heniz belli däl. Filmi döretmäge komiksiň awtorlarynyň biri Amankaý Nauelpan gatnaşýar.
“Calexit” 2017-nji ýylda çykdy we Donald Trampyň birinji prezidentlik döwründe meşhur boldy. Komiks ýedi gezek gaýtadan neşir edildi we iki spin-offa eýe boldy: “Calexit: All Systems San Diego” we “Calexit: Our Last Night in America”.
Iýul aýynyň ahyrynda komiksiň Pissolo tarapyndan ýazylan täze sany “Calexit: The Battle of Universal City” çykar.
