ABŞ-nyň Milli ýol hereketiniň howpsuzlygy dolandyryş gullugy (NHTSA) 12 sany ýangyn ýa-da heläkçilik ýaly VC-Turbo hereketlendirijisi bilen baglanyşykly 1900 hadysanyň üstüni açdy. Bu üýtgeýän gysyşly hereketlendirijiler 2019-2024-nji ýyllar aralygynda öndürilen Nissan Rogue-de, Altima-da, Infiniti QX50-de we QX55-de oturdyldy.
Näsazlyk Nissany 443 899 ulagy yzyna çagyrmaga mejbur etdi. Muňa podşipniklerde we hereketlendirijiniň böleklerinde bar bolan kemçilikler sebäp boldy. Dilerler ýag gabynda metal gyryndylaryň barlygyny-ýoklugyny bilmek üçin motory barlarlar. Eger gyryndy ýok bolsa, ýagyny, prokladkasyny çalşyp, programma üpjünçiligini täzelärler.
Kemçilik tapylan ýagdaýynda, hereketlendiriji 15 sagadyň içinde mugt çalşylyp berler.
Ulaglaryň eýelerine bildirişler 25-nji awgustda iberilip başlanar. Öň VC-Turbo hereketlendirijisini öz hasabyna abatlanlar elinde töleg haty bar bolsa çykdajysynyň öwezini dolmak üçin ýüz tutup bilerler.
Şeýle gerimli yzyna çagyrylyş innowasiýa tehnologiýalary bilen baglanyşykly töwekgelçilikleri ýatladýar. Ol Nissan-yň we Infiniti-niň abraýyna täsir edip biler.
