“Günorta Seýilgäh” (South Park) multserialyny döredijiler Treý Parker we Mett Stoun Paramount+ bilen 1,5 mlrd dollarlyk bäşýyllyk şertnama baglaşdy. Los Angeles Times-yň çeşmelere salgylanyp habar bermegine görä, kompaniýa her ýyl multserialy ýaýlyma bermek we täze bölümleri çykarmak hukuklary üçin 300 mln dollar tölär.
“Günorta Seýilgäh” Paramount+ platformasynda ilkinji gezek çykar. Ozal multserialy görkezmek hukugy HBO Max-a degişlidi, ýöne öňki şertnamanyň möhleti gutardy.
Şeýle-de, Paramount Parker we Stoun bilen täze bäşýyllyk şertnama baglaşdy, ol döredijileriň serialyň geljekki bölümleriniň üstünde işlemegini dowam etdirmegini göz öňünde tutýar.
Şertnama dartgynly gepleşiklerden soň gol çekildi. 2025-nji ýylyň başynda taraplar 3 mlrd dollarlyk onýyllyk şertnamany ara alyp maslahatlaşypdylar, ýöne Paramount-y satyn almaga gyzyklanma bildiren Skydance Media kompaniýasynyň gatyşmagy bu işi kynlaşdyrdy. Bu hem ýagdaýyň ýitileşmegine getirdi. Multserialy döredijiler hatda kazyýet şikaýaty bilen haýbat atdy diýip, çeşme belleýär.
“Günorta Seýilgähiň” 27-nji möwsümi 23-nji iýulda Comedy Central teleýaýlymynda we Paramount+ akym hyzmatynda görkezilip başlandy.
Multserial 1997-nji ýyldan bäri çykýar we amerikan telewideniýesinde “Simpsonlardan” soň iň uzak dowam eden ikinji animasion şou hasaplanýar.
