“Möý adam: Älemden daşary” (Человек-паук: За пределами Вселенной) animasion filminiň premýerasy 2027-nji ýylyň 25-nji iýunyna süýşürildi. Bu barada Deadline neşiri habar berýär.
Multfilm eýýäm birnäçe gezek yza süýşürildi. Ilkibaşda reliz 2024-nji ýylyň martyna meýilleşdirilipdi, ýöne möhlet 2023-nji ýylyň tomsunda Golliwuddaky iş taşlaýyşlar sebäpli üýtgedildi. Soňra 2027-nji ýylyň 4-nji iýuny göz öňünde tutuldy. Indi möhlet ýene täzelendi.
“Möý adam: Älemden daşary” meşhur animasion franşizasynyň üçünji bölümi bolar. Birinji bölüm – “Möý adam: Älemiň üsti bilen” (Человек-паук: Через вселенные) – iň gowy animasion filmi üçin “Oskar” baýragyny aldy. Onuň dowamy – “Älem kerebi” (Паутина вселенных) hem üstünlik gazandy. Iki bölümiň bütin dünýäde umumy kassa ýygymy 1,08 mlrd dollardan geçdi.
Üçünji bölümiň sýužeti boýunça Maýlz Morales başga bir dünýä düşýär, bu ýerde onuň alter egosy Ykmanda atly zalyma öwrülýär, bu dünýäde Möý adam asla ýok. Nýu-Ýorky haos gurşap alýar we Maýlzyň ykbaly Gwen Steýsiniň we onuň beýleki ýaranlarynyň hereketine bagly bolýar.
Filmiň režissýorlary Bob Persiçetti we Jastin K. Tompson boldy. Ssenarini Dewid Kallam, Fil Lord we Kristofer Miller ýazdy.
