19-njy iýuldan 20-nji iýula geçilen gije Las-Wegasdaky “Ti-Mobaýl Arenada” birinji orta agramda WBC-niň çempiony tituly üçin Tim Szýu bilen Sebastýan Fundoranyň arasynda boks söweşi geçirildi. Söweş ýedi raund dowam edip, amerikaly boksçynyň ýeňmegi bilen tamamlandy.
Boks söweşiniň eýýäm birinji raundynda Szýu nokdauna düşdi. Ol dördünji raunda çenli söweşi deňläp bildi, ýöne sekizinji üç minutlyk raunda çykmady. Onuň sekundantlary söweşden çekilmek kararyna geldi.
Szýu üçin bu ýeňliş soňky dört söweşinde üçünji boldy. Ozal ol Bahram Murtazaliýewden (2024-nji ýylyň 19-njy oktýabry) hem-de şol bir Sebastýan Fundoradan (2024-nji ýylyň 30-njy marty) ýeňildi.
Özüniň soňky söweşinde Szýu 2025-nji ýylyň aprel aýynda Jozef Spenserden üstün çykdy.
Indi 30 ýaşly Szýunyň hasabynda 25 ýeňiş we üç ýeňliş bar.
27 ýaşly amerikalynyň hasabynda bolsa 23 ýeňiş, bir ýeňliş we bir deňme-deňlik bar.
